Wafaai ka aalam kabhi na mila
Rooh ki aahat se chehra kabhi na khila

Mohabbat ke naam pe baazaar bichAte hain yahaan
khuda mohabat hai, to bataao woh milega kahaan?

Lene dene ki rasam bahut puraani hai yahaan.
Isise chalti hai duniya,
Aakhir chupoge bhi to kahaan?

SachAyi ki khoj mein nikle ho yaara
Paagal kahenge log, bichdega jahaan saara

Thakna nahin, ruk math jaana is rasthe mein.
Kehte hain, yahi khoj hai jo milaayega khuda se tumhe aakhir mein!

Dard to hota hai magar,
Sehna seekhlenge hum.

Zakhmi hue hain to kya?
 marham lagaana aazma lenge hum.

Mohabat ke raah mein
kya paaya, kya khoya raahi?
Mar markar jo jeeye use
Aashiq kehte hain bhaai!

Bewafaai to pyaar ka intihaan hai raahi,
Mohabat mein mar mitne ka mazaa wo kya samjhenge bhaai?

Pyaar to khuda hi hai
Har kisiko yeh naseeb to nahin.
Yaadon ki khushbu mein jhoom le
Zindagi isiko kehte hain bhaai!!

Chal ganga ki aur!!

Jo boya wohi paaya, yahi niyam sansaar ki hai raahi.
Samajh le dil se, sudhar le ab tho sahi,
Der na kar, samay beethe hai zor zor...
Paagal manuva, ab to chal ganga ki aur!!

Kya dukh aur kya sukh hai raahi
Apni apni drishti kon ki baath hai, aur kuch bhi tho naahin
DEr na kar, samay beethe hai zor zor
Paagal manuva, ab to chal ganga ki aur!!

Na koy sacha, naahi koyi jhoota hai raahi
Sab apne apne magan mein choor hain bhaai!
DEr na kar, samay beethe hai zor zor
Paagal manuva, ab to chal ganga ki aur!!

Zindagi ko chun

Rooh berangi hai pehchaan ey ghame dil
Rang ko to utarna hi hai aaj nahin tho kal

Rangbirangi hai zindagi, naach uski dhun pe
Khuda ban jaayega tu useeke dum pe!

Hole hole jab parda uttha hai
Aahista hi sahi, sachchaai ubhar aata hai.

Aayina pakad apne saamne humesha
Pehle apne rang ko pehchaan, tab dikhega tamaasha!

Khud ko milaake sab apne dhun mein gun
Ey ghame dil, tu zindagi ko chun.

Fursat

Kabhi fursat mile,
Is naacheez se bhi baat kiya keejiye...

kabhi kabhi hi sahi, hume bhi to
yaad kiya kee jiye

Dhua hi dhua

Pyaar ke intezaar mein, takleef tho hai magar
Unki aarzoo mein phir bhi, thakti hi nahin pyaasi nazar

Pyaar ka jaadoo hai yeh, shaayad  rukta hi nahin
Khushi mile ya gham, zaalim yeh to maanta hi nahin

Dil jalta hai yaad mein
Raath katthi nahin

Yoon thadap thadap ke hum  khud jalgaye
Unki dil tak yeh dhua, pahunchta kyoon nahin...

Rooh jo dhoonde unhe, ey khuda, thu hi batha
Dil bas yahi savaal dohraa rahi

kya woh ab kabhi mudke
humse milne aayenge hi nahin?

Hum hain ya nahin?

Yaad kyaa karna, jinhe bhoole hi nahin
Pal pal saason ke saath rehte hain woh
Sirf wohi hain, hum to jaise hain hi nahin!

Unse mile na mile, aakhen poochti nahin
Jaan se jude hain woh,
to kya hua woh, jo saamne aate nahin.

unki aawaaz goonje kaano mein humesha
Yeh kaan humaari thakti nahin

Yoon tarse hum jaise  zinda to hain,
Phir bhi lage hum zinda hi nahin

Kahin yeh zaalim mohabat to nahin?
Jo aakhir tak  rukta nahin.
Ek baar jo chad gaya, woh dil se kabhi utarta hi nahin.